Banam Fame nara rohith new movie started

‘బాణం’
చిత్రంతో నటుడిగా గుర్తింపు సంపాదించుకున్న యువ కథా నాయకుడు నారా రోహిత్
హీరోగా త్వరలో ఓ చిత్రం ప్రారంభం కానుంది. ఇంతకు ముందు యువత, ఆంజనేయులు
చిత్రాలను తెరకెక్కించిన పరశురామ్ ఈ చిత్రానికి దర్శకుడు. ఎస్వీకె సినిమా
పతాకంపై వైజాగ్‌కు చెందిన పారిశ్రామిక వేత్త వంశీకృష్ణ శ్రీనివాస్ ఈ
చిత్రాన్ని నిర్మించనున్నారు.

నిర్మాత ఈ చిత్రం విశేషాలను
తెలియజేస్తూ ‘‘ ఓ మంచి చిత్రంతో సినీ నిర్మాణ రంగంలోకి అడుగుపెడుతున్నందుకు
ఆనందంగా వుంది. దర్శకుడు చెప్పిన కథ నన్ను ఎంతగానో ఆకట్టుకుంది. ఖర్చు
విషయంలో ఎక్కడా కాంప్రమైజ్ కాకుండా అత్యంత ప్రతిష్టాత్మకంగా ఈ చిత్రాన్ని
నిర్మించటానికి ప్లాన్ చేస్తున్నాం. పూర్తి కమర్షియల్ అంశాలతో కొనసాగే
అన్ని వర్గాలను అలరించే అంశాలుంటాయి.

రోహిత్ సరసన ఈ చిత్రంలో ఓ ప్రముఖ కథానాయిక నటిస్తారు. ఓ ముఖ్యపాత్రను ఓ ప్రముఖ నటుడు పోషిస్తారు. జనవరిలో రెగ్యులర్ షూటింగ్ ప్రారంభిస్తాం’’

అన్నారు ఈ చిత్రానికి సంగీతం:
తమన్, కెమెరా: శ్రీకాంత్, ఎడిటింగ్: మార్తాండ్ కె.వెంకటేష్, ఫైట్స్:
రామ్-లక్ష్మణ్, కథ-స్క్రీన్‌ప్లే-మాటలు-దర్శకత్వం: పరశురామ్.